濕滯的十一月

去年---面部神經癱瘓歪了兩個月後才復原

今年---牙痛到標尿




怕見牙醫---忍住

藉口說自己沒空---忍住

吃消炎止痛藥後稍為好轉---忍住

做些輕鬆的事情分散精神無咁痛---忍住


昨天終於忍無可忍了，

喝一啖水、咬到一粒小芝麻也痛到眼淚流了出來，

心深知道是時候了！


打電話約牙醫，

最快都要等十六小時，

吃不到睡不好，

好想大大聲叫出來---妖！


去見牙醫之前血壓上升了--- 149/83/72

牙醫幫我診治時個心不停地急跳，

出來時牙已不痛但變成牙肉腫痛了，

還有的就是兩張演唱會的門票報銷了！

記憶力衰退

別人問我昨晚吃甚麼餸---唔記得

豬豬問我昨天去了甚麼地方---唔記得

自問剛才諗著做甚麼但仍未做的---唔記得

上星期睇那場電影叫咩名、內容講甚麼的---唔記得

還有很多很多的唔記得 !



幸而---

仍記得何時睡覺、何時起身

緊要的事情仍記得去做

到時到候記得開電腦睇波

買咗飛記得去睇演唱會

記得食飯、記得續借圖書等等等等 !




這算不算是不幸中之萬幸呢？

一日之計在於晨?

半夜醒來頭痛得很，

看到時鐘才只是三點零幾分，

合上眼睛嘗試再瞓卻不能，

索性起身。


呆坐了一陣，

再看時鐘只過了十數分，

這樣下去萬萬不能。

梳洗過後繼而把頭髮染了微金，

頓覺稍為醒神。

跟隨著便是洗衣、拖地、煲湯、吃早餐等等。


再望向時鐘才到清晨六點多，

天稍露微光，

不想再幹家務，

皆因相對平日的惰性今天已是勤力得很了！


頭仍然痛雖然沒有之前咁甚，

原來讓自己忙碌會稍為分神而不覺罷了。

不知是好還是壞，

頭痛讓我好好利用了清晨，

但要我頭痛才可做到咁多事情實屬不幸！