例牌一次

每年宿舍職員都帶舍友去電影院睇一次戲,

令他們有機會感受大銀幕的滋味,

其實非常有意義。

但近年這個活動似乎失去了原意,

因為這區的戲院已由多年前的十間縮小到四間,

又由四間縮到得兩間,

遷就時間方面有難度,

選擇電影方面更蕩然無存。


近年試過不少次他們都因種種關係要睇外語片,

聽不懂同時雖有字幕都睇唔切,

唔識字那些舍友對這一切的提供更是沒意義。


最近一次去睇完戲之後我問其中一位舍友.......

我 ：今日出去開心嗎?

答 ：開心。

我 ：好睇嗎?

答：好。

我 ：你知道套戲講咩嗎?

答：唔知。

我心內即時笑了出來。


感覺基本上他們有得外出是很開心的,

但睇一套睇唔明的戲是否最佳之選呢?

假如可以的話可否彈性地改變呢?

若是發覺沒有適合他們睇的電影時改帶他們去別處不是更好嗎?


曾經想過提意見,

但既然那些主角舍友們都無意見,

我這個茄喱啡何必多此一舉做刁民呢?

還是算了!